1 John 1 WYC
Summary: John opens by testifying to what he and the other apostles heard, saw, and touched concerning "the word of life," proclaiming it so readers may share fellowship with the Father and the Son, and so their joy may be complete. He declares that "God is light, and in him is no darkness at all," and that walking in the light brings fellowship with one another and cleansing through the blood of Jesus (v. 5, 7). The chapter confronts the claim to be without sin as self-deception, insisting instead that "if we confess our sins, he is faithful and just to forgive us our sins and to cleanse us from all unrighteousness" (v. 9).
1That thing that was fro the bigynnyng, which we herden, which we sayn with oure iyen, which we bihelden, and oure hondis touchiden, of the word of lijf; and the lijf is schewid.
2And we sayn, and we witnessen, and tellen to you the euerlastynge lijf, that was anentis the fadir, and apperide to vs.
3Therfor `we tellen to you that thing, that we seyn, and herden, that also ye haue felowschipe with vs, and oure felowschip be with the fadir, and with his sone Jhesu Crist.
4And we writen this thing to you, that ye haue ioye, and that youre ioye be ful.
5And this is the tellyng, that we herden of hym, and tellen to you, that God is liyt, and ther ben no derknessis in him.
6If we seien, that we han felawschip with hym, and we wandren in derknessis, we lien, and don not treuthe.
7But if we walken in liyt, as also he is in liyt, we han felawschip togidere; and the blood of Jhesu Crist, his sone, clensith vs fro al synne.
8If we seien, that we han no synne, we disseyuen vs silf, and treuthe is not in vs.
9If we knowlechen oure synnes, he is feithful and iust, that he foryyue to vs oure synnes, and clense vs from al wickidnesse.
10And if we seien, we han not synned, we maken hym a liere, and his word is not in vs.
Also read this chapter in: KJV, WEB, ASV, GNV, WBT, DBY, YLT