2 Chronicles 27 WYC
Summary: Jotham succeeds his father Uzziah and does what is right in the eyes of the LORD, though he does not enter the temple to burn incense as his father presumptuously had, yet the people remain corrupt in their practices despite his own faithfulness. Jotham undertakes significant building projects, including the upper gate of the temple, extensive work on the wall of Ophel, and cities, forts, and towers throughout the hill country and forests of Judah. He also wages a successful war against the Ammonites, who submit and pay heavy tribute in silver, wheat, and barley for three years, and Jotham grows mighty because he orders his ways before the LORD.
1Joathan was of fyue and twenti yeer, whanne he bigan to regne, and he regnede sixtene yeer in Jerusalem; the name of his modir was Jerusa, the douyter of Sadoch.
2He dide that, that was riytful bifor the Lord, bi alle thingis whiche Ozie, his fadir, hadde do; outakun that he entride not in to the temple of the Lord, and the puple trespasside yit.
3He bildide the hiy yate of the hous of the Lord, and he bildide manye thingis in the wal of Ophel;
4also he bildide citees in the hillis of Juda, and he bildide castels and touris in forestis.
5He fauyt ayens the kyng of the sones of Amon, and ouercam hym; and the sones of Amon yauen to hym in that tyme an hundrid talentis of siluer, and ten thousynde choris of barli, and so many of wheete; the sones of Amon yauen these thingis to hym in the secounde and in the thridde yeer.
6And Joathan was maad strong, for he hadde dressid hise weies bifor `his Lord God.
7Forsothe the residue of wordis of Joathan, and alle hise batels, and werkis, ben writun in the book of kyngis of Israel and of Juda.
8He was of fyue and twenti yeer, whanne he bigan to regne, and he regnede sixtene yeer in Jerusalem.
9And Joathan slepte with hise fadris, and thei birieden hym in the citee of Dauid; and Achaz, his sone, regnede for him.
Also read this chapter in: KJV, WEB, ASV, GNV, WBT, DBY, YLT