2 Timothy 3 WYC
Summary: Paul warns that in the last days there will be times of difficulty, describing people who are lovers of self, money, and pleasure rather than lovers of God, having "the appearance of godliness, but denying its power" (v. 5), and comparing false teachers to Jannes and Jambres who opposed Moses. He recalls his own persecutions and sufferings that Timothy witnessed and observes that all who desire to live godly in Christ Jesus will be persecuted, while evil people and impostors will go on deceiving and being deceived. He reminds Timothy of the sacred writings he has known from childhood, able to make him wise for salvation, and declares that "all Scripture is breathed out by God and profitable for teaching, for reproof, for correction, and for training in righteousness" (v. 16).
1But wite thou this thing, that in the laste daies perelouse tymes schulen neiye, and men schulen be louynge hem silf,
2coueitouse, hiy of bering, proude, blasfemeris, not obedient to fadir and modir, vnkynde,
3cursid, with outen affeccioun, with out pees, false blameris, vncontynent, vnmylde,
4with out benygnyte, traitouris, ouerthwert, bollun with proude thouytis, blynde, loueris of lustis more than of God,
5hauynge the licknesse of pitee, but denyynge the vertu of it. And eschewe thou these men.
6Of these thei ben that persen housis, and leden wymmen caitifs chargid with synnes, whiche ben led with dyuerse desiris, euere more lernynge,
7and neuere perfitli comynge to the science of treuthe.
8And as Jannes and Mambres ayenstoden Moises, so these ayenstonden treuthe, men corrupt in vndirstonding, repreuyd aboute the feith.
9But ferthere thei schulen not profite, for the vnwisdom of hem schal be knowun to alle men, as hern was.
10But thou hast getun my teching, ordinaunce, purposing, feith, long abiding, loue,
11pacience, persecuciouns, passiouns, whiche weren maad to me at Antioche, at Ycony, at Listris, what maner persecucyouns Y suffride, and the Lord hath delyuered me of alle.
12And alle men that wolen lyue feithfuli in Crist Jhesu, schulen suffre persecucioun.
13But yuele men and disseyueris schulen encreese in to worse, errynge, and sendinge in to errour.
14But dwelle thou in these thingis that thou hast lerud, and that ben bitakun to thee, witinge of whom thou hast lerud;
15for thou hast knowun hooli lettris fro thi youthe, whiche moun lerne thee to heelthe, bi feith that is in Crist Jhesu.
16For al scripture inspirid of God is profitable to teche, to repreue, to chastice, to lerne in riytwisnes, that the man of God be parfit, lerud to al good werk.
Also read this chapter in: KJV, WEB, ASV, GNV, WBT, DBY, YLT