Colossians 4 WYC
Summary: The household code concludes with instructions to bondservants to work as for the Lord and to masters to treat servants justly, knowing they too have a Master in heaven. Paul urges devotion to prayer with thanksgiving and asks for prayer that he may proclaim the mystery of Christ clearly despite his imprisonment. He tells them to walk in wisdom toward outsiders and let their speech always be gracious, "seasoned with salt" (v. 6). The letter closes with commendations of Tychicus and Onesimus who carry it, greetings from Paul's companions including Aristarchus, Mark, Epaphras, Luke, and Demas, a greeting to Nympha and the church meeting in her house, and instructions to exchange this letter with the one sent to Laodicea.
1Lordis, yyue ye to seruauntis that that is iust and euene, witinge that also ye han a Lord in heuene.
2Be ye bisi in preier, and wake in it, in doynge of thankyngis;
3and preie ech for othere, and for vs, that God opene to vs the dore of word, to speke the misterie of Crist;
4for which also Y am boundun, that Y schewe it, so as it bihoueth me to speke.
5Walke ye in wisdom to hem that ben with outen forth, ayenbiynge tyme.
6Youre word be sauered in salt eueremore in grace; that ye wite, hou it bihoueth you to answere to ech man.
7Titicus, most dere brother, and feithful mynyster, and my felowe in the Lord, schal make alle thingis knowun to you, that ben aboute me.
8Whom Y sente to you to this same thing, that he knowe what thingis ben aboute you, and coumforte youre hertis, with Onesyme,
9most dere and feithful brother, which is of you; whiche schulen make alle thingis that ben doon here, knowun to you.
10Aristark, prisoner with me, gretith you wel, and Mark, the cosyn of Barnabas, of whom ye han take maundementis; if he come to you, resseyue ye hym;
11and Jhesus, that is seid Just; whiche ben of circumcisioun; thei aloone ben myn helperis in the kingdom of God, that weren to me in solace.
12Epafras, that is of you, the seruaunt of Jhesu Crist, gretith you wel; euere bisi for you in preyeris, that ye stonde perfit and ful in al the wille of God.
13And Y bere witnessyng to hym, that he hath myche trauel for you, and for hem that ben at Loadice, and that ben at Ierapolim.
14Luk, the leche most dere, and Demas, greten you wel.
15Grete ye wel the britheren that ben at Loadice, and the womman Nynfam, and the chirche that is in hir hous.
16And whanne this pistle is red among you, do ye, that it be red in the chirche of Loadicensis; and rede ye that pistle that is of Loadicensis.
17And seie ye to Archippus, Se the mynysterie, that thou hast takun in the Lord, that thou fille it.
18My salutacioun, bi the hoond of Poul. Be ye myndeful of my boondis. The grace of the Lord Jhesu Crist be with you. Amen.
Also read this chapter in: KJV, WEB, ASV, GNV, WBT, DBY, YLT