Ephesians 3 WYC
Summary: Paul identifies himself as a prisoner for the sake of the Gentiles and explains the mystery made known to him by revelation: that Gentiles are fellow heirs, members of the same body, and partakers of the promise in Christ Jesus, a mystery hidden for ages but now disclosed through the church to the rulers and authorities in the heavenly places. He describes his ministry to make this plan plain to everyone, and that believers may approach God with boldness and confidence through faith in Christ. The chapter closes with Paul's prayer that they be strengthened with power through the Spirit, that Christ may dwell in their hearts through faith, and that they grasp the breadth, length, height, and depth of Christ's love, ending in a doxology: "to him who is able to do far more abundantly than all that we ask or think" (v. 20).
1For the grace of this thing I Poul, the boundun of Crist Jhesu, for you hethene men,
2if netheles ye han herd the dispensacioun of Goddis grace, that is youun to me in you.
3For bi reuelacioun the sacrament is maad knowun to me, as Y aboue wroot in schort thing,
4as ye moun rede, and vndurstonde my prudence in the mysterie of Crist.
5Which was not knowun to othere generaciouns to the sones of men, as it is now schewid to his hooli apostlis and prophetis in the spirit,
6that hethene men ben euen eiris, and of oo bodi, and parteneris togidere of his biheest in Crist Jhesu bi the euangelie;
7whos mynystre Y am maad, bi the yifte of Goddis grace, which is youun to me bi the worchyng of his vertu.
8To me, leeste of alle seyntis, this grace is youun to preche among hethene men the vnserchable richessis of Crist, and to liytne alle men,
9which is the dispensacioun of sacrament hid fro worldis in God, that made alle thingis of nouyt;
10that the myche fold wisdom of God be knowun to princis and potestatis in heuenli thingis bi the chirche,
11bi the bifore ordinaunce of worldis, which he made in Crist Jhesu oure Lord.
12In whom we han trist and nyy comyng, in tristenyng bi the feith of hym.
13For which thing Y axe, that ye faile not in my tribulaciouns for you, which is youre glorie.
14For grace of this thing Y bowe my knees to the fadir of oure Lord Jhesu Crist,
15of whom ech fadirhod in heuenes and in erthe is named,
16that he yyue to you, aftir the richessis of his glorie, vertu to be strengthid bi his spirit in the ynnere man,
17that Crist dwelle bi feith in youre hertis; that ye rootid and groundid in charite,
18moun comprehende with alle seyntis, which is the breede, and the lengthe, and the hiynesse, and the depnesse;
19also to wite the charite of Crist more excellent than science, that ye be fillid in al the plentee of God.
20And to hym that is myyti to do alle thingis more plenteuousli than we axen or vndurstondun, bi the vertu that worchith in vs,
21to hym be glorie in the chirche, and in Crist Jhesu, in to alle the generaciouns of the world of worldis. Amen.
Also read this chapter in: KJV, WEB, ASV, GNV, WBT, DBY, YLT