Ezekiel 6 WYC
Summary: The LORD directs Ezekiel to prophesy against the mountains, hills, ravines, and valleys of Israel, announcing the destruction of the high places, altars, and incense stands where idolatry was practiced, with the slain falling before their own idols. Amid judgment there is a promise that a remnant will survive scattered among the nations, and there they will remember the LORD, be loathsome in their own eyes for their idolatrous, adulterous hearts, and come to know that "I am the LORD" — a signature phrase repeated throughout the book. The chapter closes reiterating the totality of the coming devastation by sword, famine, and plague across the land.
1And the word of the Lord was maad to me,
2and he seide, Thou, sone of man, sette thi face to the hillis of Israel; and thou schalt profesie to tho hillis, and schalt seie,
3Hillis of Israel, here ye the word of the Lord God. The Lord God seith these thingis to mounteyns, and litil hillis, to roochis of stoon, and to valeis, Lo! Y schal bringe in on you a swerd, and Y schal leese youre hiye thingis.
4And Y schal distrie youre auteris, and youre symylacris schulen be brokun; and Y schal caste doun youre slayn men bifore youre idols.
5dnA Y schal yyue the deed bodies of the sones of Israel bifor the face of youre symylacris, and Y schal scatere youre boonys
6aboute youre auteris, in alle youre dwellingis. Citees schulen be forsakun, and hiy thingis schulen be distried, and schulen be scaterid; and youre auteris schulen perische, and schulen be brokun. And youre idols schulen ceesse, and youre templis of idols schulen be al to-brokun, and youre werkis schulen be doen awei.
7And a slayn man schal falle doun in the myddis of you; and ye schulen wite, that Y am the Lord.
8And Y schal leeue in you hem that fledden swerd among hethene men, whanne Y schal scatere you in to londis.
9And youre delyuered men schulen haue mynde on me among hethene men, to whiche thei ben led prisoneris; for Y haue al to-broke her herte doynge fornycacioun, and goynge awei fro me, and her iyen doynge fornicacioun aftir her idols. And thei schulen displese hem silf on the yuels, whiche thei diden in alle her abhomynaciouns.
10And thei schulen wite, that Y the Lord spak not in veyn, that Y schulde do this yuel to hem.
11The Lord God seith these thingis, Smyte thin hond, and hurtle thi foot, and seie, Alas! to alle abhomynaciouns of the yuelis of the hous of Israel; for thei schulen falle doun bi swerd, hungur, and pestilence. He that is fer, shal die bi pestilence.
12Forsothe he that is niy, shal falle bi swerd. And he that is laft and bisegid, shal die bi hungur. And Y schal fille myn indignacioun in hem.
13And ye schulen wite, that Y am the Lord, whanne youre slayn men schulen be in the myddis of youre idols, in the cumpas of youre auteris, in eche hiy litil hil, and in alle the hiynessis of mounteyns, and vndur ech tree ful of wode, and vndur ech ook ful of boowis, that is, a place where thei brenten encense swete smellynge to alle her idols.
14And Y schal stretche forth myn hond on hem, and Y schal make her lond desolat and destitute, fro desert Deblata, in alle the dwellyngis of hem; and thei schulen wite, that Y am the Lord.
Also read this chapter in: KJV, WEB, ASV, GNV, WBT, DBY, YLT