Hebrews 1 WYC
Summary: The letter (of contested and traditionally anonymous authorship) opens by declaring that God, who spoke long ago through the prophets in many ways, has in these last days spoken through his Son, "the radiance of the glory of God and the exact imprint of his nature" (v. 3), who upholds the universe and, after making purification for sins, sat down at God's right hand. The chapter then argues the Son's superiority to angels through a chain of Old Testament quotations, showing angels are commanded to worship him and are merely ministering spirits, while the Son is addressed as God with an eternal throne. This sets the letter's central theme: the surpassing greatness of Christ over every previous mediator.
1God, that spak sum tyme bi prophetis in many maneres to oure fadris, at the
2laste in these daies he hath spoke to vs bi the sone; whom he hath ordeyned eir of alle thingis, and bi whom he made the worldis.
3Which whanne also he is the briytnesse of glorie, and figure of his substaunce, and berith alle thingis bi word of his vertu, he makith purgacioun of synnes, and syttith on the riythalf of the maieste in heuenes;
4and so myche is maad betere than aungels, bi hou myche he hath eneritid a more dyuerse name bifor hem.
5For to whiche of the aungels seide God ony tyme, Thou art my sone, Y haue gendrid thee to dai? And eftsoone, Y schal be to hym in to a fadir, and he schal be to me in to a sone?
6And whanne eftsoone he bryngith in the firste bigetun sone in to the world, he seith, And alle the aungels of God worschipe hym.
7But he seith to aungels, He that makith hise aungels spiritis, and hise mynystris flawme of fier.
8But to the sone he seith, God, thi trone is in to the world of world; a yerde of equite is the yerde of thi rewme;
9thou hast louyd riytwisnesse, and hatidist wickidnesse; therfor the God, thi God, anoyntide thee with oile of ioye, more than thi felowis.
10And, Thou, Lord, in the bigynnyng foundidist the erthe, and heuenes ben werkis of thin hondis; thei schulen perische,
11but thou schalt perfitli dwelle; and alle schulen wexe elde as a cloth, and thou schalt chaunge hem as a cloth,
12and thei schulen be chaungid. But thou art the same thi silf, and thi yeeris schulen not faile.
13But to whiche of the aungels seide God at ony tyme, Sitte thou on my riythalf, till Y putte thin enemyes a stool of thi feet?
14Whether thei alle ben not seruynge spiritis, sente to seruen for hem that taken the eritage of heelthe?
Also read this chapter in: KJV, WEB, ASV, GNV, WBT, DBY, YLT