Hebrews 8 WYC
Summary: The author sums up his argument: believers have a high priest who serves in the true, heavenly sanctuary rather than an earthly copy, and who has obtained a ministry as much more excellent as the covenant he mediates is better, since it is established on better promises. Quoting Jeremiah 31 at length, he shows that God himself promised a new covenant, unlike the one made with Israel at the exodus which they broke, one in which God's laws would be written on hearts and minds rather than external tablets, with sins remembered no more. By speaking of a new covenant, the author concludes, God has made the first one obsolete, and what is obsolete and growing old is ready to vanish away.
1But a capitle on tho thingis that ben seid. We han siche a bischop, that sat in the riythalf of the seete of greetnesse in heuenes,
2the mynystre of seyntis, and of the veri tabernacle, that God made, and not man.
3For ech bischop is ordeyned to offre yiftis and sacrificis; wherfor it is nede, that also this bischop haue sum thing that he schal offre.
4Therfor if he were on erthe, he were no preest, whanne ther weren that schulden offre yiftis bi the lawe,
5whiche seruen to the saumpler and schadewe of heueneli thingis. As it was answerid to Moises, whanne he schulde ende the tabernacle, Se, he seide, make thou alle thingis bi the saumpler, that is schewid to thee in the mount.
6But now he hath getun a betere mynysterie, bi so myche as he is a mediatour of a betere testament, which is confermyd with betere biheestis.
7For if the ilke firste hadde lackid blame, the place of the secounde schulde not haue be souyt.
8For he repreuynge hem seith, Lo! daies comen, seith the Lord, and Y schal make perfit a newe testament on the hous of Israel, and on the hous of Juda;
9not lijk the testament that Y made to her fadris, `in the dai in which Y cauyte her hond, that Y schulde lede hem out of the loond of Egipt; for thei dwelliden not perfitli in my testament, and Y haue dispisid hem, seith the Lord.
10But this is the testament, which Y schal dispose to the hous of Israel aftir tho daies, seith the Lord, in yyuynge my lawis in to the soulis of hem, and in to the hertis of hem I schal aboue write hem; and Y schal be to hem in to a God, and they schulen be to me in to a puple.
11And ech man schal not teche his neiyebore, and ech man his brother, seiynge, Knowe thou the Lord; for alle men schulen knowe me, fro the lesse to the more of hem.
12For Y schal be merciful to the wickidnesse of hem, and now Y schal not bithenke on the synnes of hem.
13But in seiynge a newe, the formere wexide eeld; and that that is of many daies, and wexith eeld, is nyy the deeth.
Also read this chapter in: KJV, WEB, ASV, GNV, WBT, DBY, YLT