Isaiah 15 WYC
Summary: Isaiah delivers "the burden of Moab," describing sudden, night-time destruction of Moab's chief cities — Ar and Kir — leaving the population shaved bald, dressed in sackcloth, wailing on rooftops and in streets. The prophet pictures refugees fleeing toward Zoar, Luhith, and Horonaim weeping as they go, crossing the brook of the willows with what they can carry, while the waters of Nimrim run dry. Isaiah himself is moved to tears over Moab's cry reaching as far as Eglaim and Beerelim, and describes the land's waters filled with blood and further calamity added upon the fugitives and survivors. The chapter reads as an extended lament rather than gloating, emphasizing the scale of Moab's suffering.
1The birthun of Moab. For Ar was destried in niyt, Moab was stille; for the wal was distried in the niyt, Moab was stille.
2The kingis hous, and Dybon stieden to hiy places, in to weilyng; on Nabo, and on Medaba Moab schal yelle. In alle hedis therof schal be ballidnesse, and ech beerd schal be schauun.
3In the meetyng of thre weies therof thei ben gird in a sak, alle yellyng on the housis therof and in the stretis therof; it schal go doun in to wepyng.
4Esebon schal crie, and Eleale, the vois of hem is herd `til to Jasa; on this thing the redi men of Moab schulen yelle, the soule therof schal yelle to it silf.
5Myn herte schal crie to Moab, the barris therof `til to Segor, a cow calf of thre yeer. For whi a wepere schal stie bi the stiyng of Luith, and in the weie of Oronaym thei schulen reise cry of sorewe.
6For whi the watris of Nemrym schulen be forsakun; for the eerbe dried up, buriownyng failide, al grenenesse perischide.
7Bi the greetnesse of werk, and the visityng of hem, to the stronde of salewis thei schulen lede hem.
8For whi cry cumpasside the ende of Moab; `til to Galym the yellyng therof, and the cry therof `til to the pit of Helym.
9For the watris of Dibon ben fillid with blood; for Y schal sette encreessyngis on Dibon, to tho men of Moab that fledden fro the lioun, and to the relifs of the lond.
Also read this chapter in: KJV, WEB, ASV, GNV, WBT, DBY, YLT