Isaiah 20 WYC
Summary: In the year Assyria's commander captured Ashdod, the LORD commands Isaiah to walk stripped and barefoot for three years as a living sign and wonder against Egypt and Cush (Ethiopia). This enacted prophecy signifies that the king of Assyria will lead away the Egyptians and Cushites captive and barefoot in the same shameful state, young and old alike, to Egypt's disgrace. The inhabitants of the coastland are pictured as dismayed, having lost their hoped-for allies against Assyria, left asking how they themselves will escape. The short chapter functions as a real-time enacted warning against Judah trusting in Egypt or Cush for deliverance.
1In the yeer wherynne Tharthan entride in to Azotus, whanne Sargon, the kyng of Assiriens, hadde sent hym, and he hadde fouyte ayens Azotus, and hadde take it;
2in that tyme the Lord spak in the hond of Isaye, the sone of Amos, and seide, Go thou, and vnbynde the sak fro thi leendis, and take awei thi schoon fro thi feet. And he dide so, goynge nakid and vnschood.
3And the Lord seide, As my seruaunt Ysaie yede nakid and vnschood, a signe and greet wondur of thre yeer schal be on Egipt, and on Ethiopie;
4so the kyng of Assiriens schal dryue the caitifte of Egipt, and the passyng ouer of Ethiopie, a yong man and an eld man, nakid and vnschood, with the buttokis vnhilid, to the schenschipe of Egipt.
5And thei schulen drede, and schulen be schent of Ethiopie, her hope, and of Egipt, her glorie.
6And a dwellere of this ile schal seie in that dai, This was our hope, to which we fledden for help, that thei schulden delyuere vs fro the face of the kyng of Assiryens; and hou moun we ascape?
Also read this chapter in: KJV, WEB, ASV, GNV, WBT, DBY, YLT