Isaiah 35 WYC
Summary: In sharp contrast to Edom's desolation, this chapter promises the wilderness and dry land will be glad, blossoming abundantly like the rose (crocus), given the glory of Lebanon and the excellence of Carmel and Sharon, so that all will see the glory of the LORD. The weak, fearful, and feeble are told to be strong, for God will come with vengeance and recompense to save them, and then "the eyes of the blind shall be opened... the lame man shall leap as an hart... the tongue of the dumb sing" (v. 5-6), with waters breaking out in the desert. A highway called "The way of holiness" will run through the transformed wilderness, safe from lions and ravenous beasts, reserved for the redeemed to walk. The chapter closes with the ransomed of the LORD returning to Zion with everlasting joy upon their heads, sorrow and sighing fled away.
1The forsakun Judee and with outen weie schal be glad, and wildirnesse schal make ful out ioye, and schal floure as a lilie.
2It buriownynge schal buriowne, and it glad and preisynge schal make ful out ioie. The glorie of Liban is youun to it, the fairnesse of Carmele and of Saron; thei schulen se the glorie of the Lord, and the fairnesse of oure God.
3Coumforte ye comelid hondis, and make ye strong feble knees.
4Seie ye, Men of litil coumfort, be ye coumfortid, and nyle ye drede; lo! oure God schal brynge the veniaunce of yeldyng, God hym silf schal come, and schal saue vs.
5Thanne the iyen of blynde men schulen be openyd, and the eeris of deef men schulen be opyn.
6Thanne a crokid man schal skippe as an hert, and the tunge of doumbe men schal be openyd; for whi watris ben brokun out in desert, and stremes in wildirnesse.
7And that that was drie, is maad in to a poond, and the thirsti is maad in to wellis of watris. Grenenesse of rehed, and of spier schal growe in dennes, in whiche dwelliden dragouns bifore. And a path and a weie schal be there,
8and it schal be clepid an hooli weie, he that is defoulid schal not passe therbi; and this schal be a streiyt weie to you, so that foolis erre not therbi.
9A lioun schal not be there, and an yuel beeste schal not stie therbi, nether schal be foundun there.
10And thei schulen go, that ben delyuered and ayenbouyt of the Lord; and thei schulen be conuertid, and schulen come in to Sion with preisyng; and euerlastynge gladnesse schal be on the heed of hem; thei schulen haue ioie and gladnesse, and sorewe and weilyng schulen fle awei.
Also read this chapter in: KJV, WEB, ASV, GNV, WBT, DBY, YLT