Isaiah 4 WYC
Summary: The chapter opens with a grim picture of judgment's aftermath: so many men will have died that seven women will cling to one man, asking only to bear his name and remove their reproach. It then turns to hope, describing "the branch of the LORD" as beautiful and glorious, and a remnant left in Zion called holy, purged by a spirit of judgment and burning. Over Mount Zion the LORD will create a canopy of cloud by day and fire by night, echoing the wilderness pillar, providing shelter from heat, storm, and rain. The short chapter thus pairs devastating loss with the promise of a cleansed, divinely protected remnant.
1And seuene wymmen schulen catche o man in that dai, and schulen seie, We schulen ete oure breed, and we schulen be hilid with oure clothis; oneli thi name be clepid on vs, do thou awei oure schenschip.
2In that dai the buriownyng of the Lord schal be in greet worschip and glorie; and the fruyt of erthe schal be hiy, and ful out ioye `schal be to hem that schulen be sauyd of Israel.
3And it schal be, ech that is left in Sion, and is resydue in Jerusalem, schal be clepid hooli; ech that is writun in lijf in Jerusalem;
4if the Lord waischith awei the filthis of the douytris of Sion, and waischith the blood of Jerusalem fro the myddis therof, in the spirit of doom, and in the spirit of heete.
5And the Lord made on ech place of the hille of Sion, and where he was clepid to help, a cloude bi dai, and smoke, and briytnesse of fier flawmynge in the niyt; for whi hilyng schal be aboue al glorie.
6And a tabernacle schal be in to a schadewynge place of the dai, fro heete, and in to sikirnesse and in to hidyng, fro whirlewynd and fro reyn.
Also read this chapter in: KJV, WEB, ASV, GNV, WBT, DBY, YLT