Jeremiah 45 WYC
Summary: This brief chapter is addressed personally to Baruch, Jeremiah's scribe, set at the time he wrote the scroll of oracles in Jehoiakim's fourth year (recalling ch. 36). Baruch has expressed despair, saying, "Woe is me! For the LORD has added sorrow to my pain; I am weary with my groaning, and I find no rest" (v. 3). God's response, through Jeremiah, tells him not to seek great things for himself amid the coming national upheaval, but promises that wherever he goes his life will be spared to him "as a prize of war" (v. 5).
1The word that Jeremye, the profete, spak to Baruc, the sone of Nerie, whanne he hadde write these wordis in the book, of the mouth of Jeremye, in the fourthe yeer of Joachym, the sone of Josie, kyng of Juda,
2and seide, The Lord God of Israel seith these thingis to thee, Baruc.
3Thou seidist, Wo to me wretche, for the Lord encreesside sorewe to my sorewe; Y trauelide in my weilyng, and Y foond not reste.
4The Lord seith these thingis, Thus thou schalt seye to hym, Lo! Y distrie hem, whiche Y bildide, and Y drawe out hem, whiche Y plauntide, and al this lond.
5And sekist thou grete thingis to thee? nyle thou seke, for lo! Y schal brynge yuel on ech man, seith the Lord, and Y schal yyue to thee thi lijf in to helthe, in alle places, to whiche euer places thou schalt go.
Also read this chapter in: KJV, WEB, ASV, GNV, WBT, DBY, YLT