Jeremiah 47 WYC
Summary: This short oracle is directed against the Philistines, prompted by Pharaoh's earlier attack on Gaza. It pictures an invading force sweeping in from the north like overflowing floodwaters, engulfing the land and its cities and causing fathers to be too weak with fear to turn back for their children. Gaza and Ashkelon are singled out for destruction, their people shaving their heads and cutting themselves in mourning rites, and the oracle closes by asking how long the sword of the LORD, commissioned against the Philistine coast, will continue before it is finally sheathed.
1The word of the Lord, that was maad to Jeremye, the profete, ayens Palestyns, bifor that Farao smoot Gaza.
2The Lord seith these thingis, Lo! watris schulen stie fro the north, and tho schulen be as a stronde flowynge, and tho schulen hile the lond, and the fulnesse therof, the citee, and the dwelleris therof. Men schulen crie, and alle the dwelleris of the lond schulen yelle,
3for the noise of boost of armed men, and of werriours of hym, and for mouyng of hise cartis, and multitude of hise wheelis. Fadris bihelden not sones with clumsid hondis,
4for the comyng of the dai in which alle Filisteis schulen be destried; and Tirus schal be destried, and Sidon with alle her othere helpis. For the Lord hath destried Palestyns, the remenauntis of the ile of Capadocie.
5Ballidnesse cam on Gaza; Ascolon was stille, and the remenauntis of the valei of tho.
6Hou longe schalt thou falle doun, O! swerd of the Lord, hou long schalt thou not reste? Entre thou in to thi schethe, be thou refreischid, and be stille.
7Hou schal it reste, whanne the Lord comaundide to it ayens Ascalon, and ayens the see coostis therof, and there hath seide to it?
Also read this chapter in: KJV, WEB, ASV, GNV, WBT, DBY, YLT