Job 2 WYC
Summary: In a second heavenly council scene, Satan argues that Job's integrity would collapse if his own body were afflicted, "skin for skin, yea, all that a man hath will he give for his life" (v. 4), and God permits Satan to strike Job with painful sores from head to foot, though his life must be spared. Job sits among ashes scraping his sores with broken pottery, and when his wife urges him to "curse God, and die," Job rebukes her, asking whether they should accept only good from God and not adversity, and still does not sin with his lips. Job's three friends, Eliphaz, Bildad, and Zophar, hear of his calamity and come to comfort him, but on seeing his condition they weep, tear their robes, and sit with him in silence for seven days and nights, so great was his suffering.
1Forsothe it was doon, whanne in sum dai the sones of God `weren comun, and stoden bifor the Lord, and Sathan `was comun among hem, and stood in his siyt,
2that the Lord seide to Sathan, Fro whennus comest thou? Which answeride, and seide, Y haue cumpassid the erthe, `and Y haue go thury it.
3And the Lord seide to Sathan, Whethir thou hast biholde my seruaunt Joob, that noon in erthe is lijk hym; he is a symple man, and riytful, and dredynge God, and goynge awei fro yuel, and yit holdynge innocence? `But thou hast moued me ayens him, that `Y schulde turmente hym in veyn.
4To whom Sathan answeride, and seide, `A man schal yyue skyn for skyn, and alle thingis that he hath for his lijf;
5`ellis sende thin hond, and touche his boon and fleisch, and thanne thou schalt se, that he schal curse thee in the face.
6Therfor the Lord seide to Sathan, Lo! he is in `thin hond; netheles kepe thou his lijf.
7Therfor Sathan yede out fro the face of the Lord, and smoot Joob with `a ful wickid botche fro the sole of the foot `til to his top;
8which Joob schauyde the quytere with a schelle, `and sat in the dunghil.
9Forsothe his wijf seide to hym, Dwellist thou yit in thi symplenesse? Curse thou God, and die.
10And Joob seide, Thou hast spoke as oon of the fonned wymmen; if we han take goodis of the hond of the Lord, whi forsothe suffren we not yuels? In alle these thingis Joob synnede not in hise lippis.
11Therfor thre frendis of Joob herden al the yuel, that hadde bifelde to hym, and camen ech man fro his place, Eliphath Temanytes, and Baldach Suythes, and Sophar Naamathites; for thei `hadden seide togidere to hem silf, that thei wolden come togidere, and visite hym, and coumforte.
12And whanne thei hadden reisid afer `her iyen, thei knewen not hym; and thei crieden, and wepten, and to-renten her clothis, and spreynten dust on her heed `in to heuene.
13And thei saten with hym in the erthe seuene daies and seuene nyytis, and no man spak a word to hym; for thei sien, that his sorewe was greet.
Also read this chapter in: KJV, WEB, ASV, GNV, WBT, DBY, YLT