Jonah 2 WYC
Summary: From inside the fish, Jonah prays a psalm-like thanksgiving to the LORD, describing his descent into the depths, seaweed wrapped around his head, and his sense of being cut off from God's sight, yet crying out from Sheol's belly and being heard. He remembers the LORD in the temple, contrasts himself with those who cling to worthless idols and forfeit grace, and vows to sacrifice with thanksgiving and pay what he has vowed, declaring "salvation belongs to the LORD" (v. 9). At the LORD's command, the fish vomits Jonah out onto dry land.
1And the Lord made redi a greet fisch, that he shulde swolowe Jonas; and Jonas was in the wombe of the fisch thre daies and thre niytis.
2And Jonas preiede to the Lord his God fro the fischis wombe,
3and seide, Y criede to God of my tribulacioun, and he herde me; fro the wombe of helle Y criede, and thou herdist my vois.
4Thou castidist me doun in to depnesse, in the herte of the see, and the flood cumpasside me; alle thi swolowis and thi wawis passiden on me.
5And Y seide, Y am cast awei fro siyt of thin iyen; netheles eftsoone Y schal see thin hooli temple.
6Watris cumpassiden me `til to my soule, depnesse enuyrownede me, the see hilide myn heed.
7Y wente doun to the vtmeste places of hillis, the barris of erthe closiden me togidere, in to withouten ende; and thou, my Lord God, schalt reise vp my lijf fro corrupcioun.
8Whanne my soule was angwisched in me, Y bithouyte on the Lord, that my preier come to thee, to thin hooli temple.
9Thei that kepen vanytees, forsaken his merci idili.
10But Y in vois of heriyng schal offre to thee; what euer thingis Y vowide, Y schal yelde to the Lord, for myn helthe.
11And the Lord seide to the fisch, and it castide out Jonas `in to the drie lond.
Also read this chapter in: KJV, WEB, ASV, GNV, WBT, DBY, YLT