Malachi 4 WYC
Summary: In its short closing chapter (in the Hebrew Bible, the final verses of chapter 3), Malachi and the whole Old Testament canon of the Christian arrangement ends with a final contrast: "the day" is coming, burning like an oven, that will leave the arrogant and evildoers as stubble, but for those who fear God's name, "the sun of righteousness shall rise with healing in its wings," and they will go out leaping like calves from the stall (v. 1-2). The people are charged to remember the Law of Moses given at Horeb, and the book's — and the prophetic era's — final promise is that God will send the prophet Elijah before "the great and awesome day of the LORD," who will turn the hearts of fathers to children and children to fathers, lest the land be struck with a curse.
1For lo! a dai schal come, brennynge as a chymenei; and alle proude men, and alle doynge vnpitee schulen be stobul; and the dai comynge schal enflaume hem, seith the Lord of oostis, which schal not leeue to hem rote and buriownyng.
2And to you dredynge my name the sunne of riytwisnesse schal rise, and heelthe in pennys of hym; and ye schulen go out, and schulen skippe, as a calf of the droue.
3And ye schulen to-trede vnpitouse men, whanne thei schulen be aische vndur the soole of youre feet, in the dai in which Y do, seith the Lord of oostis.
4Bithenke ye on the lawe of my seruaunt Moises, which Y comaundide to hym in Oreb, to al Israel comaundementis and domes.
5Lo! Y schal sende to you Elie, the profete, bifore that the greet dai and orible of the Lord come.
6And he schal conuerte the herte of fadris to sones, and the herte of sones to fadris of hem, lest perauenture Y come, and smyte the erthe with curs.
Also read this chapter in: KJV, WEB, ASV, GNV, WBT, DBY, YLT