Proverbs 29 WYC
Summary: This chapter warns that "he who is often reproved, yet stiffens his neck, will suddenly be broken beyond healing" (v. 1), and observes that when the righteous increase the people rejoice, but when the wicked rule the people groan. It contains the well-known line, "where there is no prophetic vision the people cast off restraint" (v. 18), and teaches that "the rod and reproof give wisdom, but a child left to himself brings shame to his mother" (v. 15). The chapter closes contrasting "the fear of man," which "lays a snare," with trust in the LORD, which keeps one safe (v. 25).
1Sodeyn perischyng schal come on that man, that with hard nol dispisith a blamere; and helth schal not sue hym.
2The comynalte schal be glad in the multipliyng of iust men; whanne wickid men han take prinshod, the puple schal weyle.
3A man that loueth wisdom, makith glad his fadir; but he that nurschith `an hoore, schal leese catel.
4A iust king reisith the lond; an auerouse man schal distrie it.
5A man that spekith bi flaterynge and feyned wordis to his frend; spredith abrood a net to hise steppis.
6A snare schal wlappe a wickid man doynge synne; and a iust man schal preise, and schal make ioye.
7A iust man knowith the cause of pore men; an vnpitouse man knowith not kunnyng.
8Men ful of pestilence distryen a citee; but wise men turnen awei woodnesse.
9If a wijs man stryueth with a fool; whether he be wrooth, `ether he leiyith, he schal not fynde reste.
10Menquelleris haten a simple man; but iust men seken his soule.
11A fool bringith forth al his spirit; a wise man dilaieth, and reserueth in to tyme comynge afterward.
12A prince that herith wilfuli the wordis of a leesyng; schal haue alle mynystris vnfeithful.
13A pore man and a leenere metten hem silf; the Lord is liytnere of euer ethir.
14If a kyng demeth pore men in treuthe; his trone schal be maad stidfast with outen ende.
15A yerde and chastisyng schal yyue wisdom; but a child, which is left to his wille, schendith his modir.
16Grete trespassis schulen be multiplied in the multipliyng of wickid men; and iust men schulen se the fallyngis of hem.
17Teche thi sone, and he schal coumforte thee; and he schal yyue delicis to thi soule.
18Whanne prophesie faylith, the puple schal be distried; but he that kepith the lawe, is blessid.
19A seruaunt mai not be tauyt bi wordis; for he vndirstondith that that thou seist, and dispisith for to answere.
20Thou hast seyn a man swift to speke; foli schal be hopid more than his amendyng.
21He that nurschith his seruaunt delicatli fro childhod; schal fynde hym rebel aftirward.
22A wrathful man territh chidingis; and he that is liyt to haue indignacioun, schal be more enclynaunt to synnes.
23Lownesse sueth a proude man; and glorie schal vp take a meke man of spirit.
24He that takith part with a theef, hatith his soule; he herith a man chargynge greetli, and schewith not.
25He that dredith a man, schal falle soon; he that hopith in the Lord, shal be reisid.
26Many men seken the face of the prince; and the doom of alle men schal go forth of the Lord.
27Iust men han abhomynacioun of a wickid man; and wickid men han abhomynacioun of hem, that ben in a riytful weye. A sone kepynge a word, schal be out of perdicioun.
Also read this chapter in: KJV, WEB, ASV, GNV, WBT, DBY, YLT