Psalms 2 WYC
Summary: A royal enthronement psalm, Psalm 2 pictures the nations and their kings conspiring in vain against "the LORD and his Anointed" (v. 2), only to be met with divine laughter and a decree installing God's king on Zion. The LORD declares to this king, "You are my Son; today I have begotten you" (v. 7), language later read by Jewish and Christian tradition as pointing beyond any single Davidic ruler to a messianic hope. The psalm closes with a warning to earth's rulers to submit and "kiss the Son" (v. 12) lest they perish, and a blessing on those who take refuge in him.
1Whi gnastiden with teeth hethene men; and puplis thouyten veyn thingis?
2The kyngis of erthe stoden togidere; and princes camen togidere ayens the Lord, and ayens his Crist?
3Breke we the bondis of hem; and cast we awei the yok of hem fro vs.
4He that dwellith in heuenes schal scorne hem; and the Lord schal bimowe hem.
5Thanne he schal speke to hem in his ire; and he schal disturble hem in his stronge veniaunce.
6Forsothe Y am maad of hym a kyng on Syon, his hooli hil; prechynge his comaundement.
7The Lord seide to me, Thou art my sone; Y haue gendrid thee to dai.
8Axe thou of me, and Y schal yyue to thee hethene men thin eritage; and thi possessioun the termes of erthe.
9Thou schalt gouerne hem in an yrun yerde; and thou schalt breke hem as the vessel of a pottere.
10And now, ye kyngis, vndurstonde; ye that demen the erthe, be lerud.
11Serue ye the Lord with drede; and make ye ful ioye to hym with tremblyng.
12Take ye lore; lest the Lord be wrooth sumtyme, and lest ye perischen fro iust waie.
13Whanne his `ire brenneth out in schort tyme; blessed ben alle thei, that tristen in hym.
Also read this chapter in: KJV, WEB, ASV, GNV, WBT, DBY, YLT