Song of Solomon 3 WYC
Summary: The woman recounts a night scene, searching the city streets for her beloved after failing to find him on her bed, questioning the watchmen, and finally finding him and bringing him to her mother's house — followed again by her refrain against awakening love prematurely. The chapter then shifts to a grand procession: "who is this coming up from the wilderness like columns of smoke" (v. 6), revealed to be Solomon's traveling couch guarded by sixty mighty men armed against the terrors of the night. The litter itself is described as built of Lebanon's wood with posts of silver, a back of gold, and a seat of purple, and the chapter closes urging the daughters of Zion to go out and see King Solomon wearing the crown given by his mother on his wedding day.
1In my litle bed Y souyte hym bi niytis, whom my soule loueth; Y souyte hym, and Y foond not.
2I shal rise, and Y schal cumpasse the citee, bi litle stretis and large stretis; Y schal seke hym, whom my soule loueth; I souyte hym, and Y foond not.
3Wakeris, that kepen the citee, founden me. Whether ye sien hym, whom my soule loueth?
4A litil whanne Y hadde passid hem, Y foond hym, whom my soule loueth; Y helde hym, and Y schal not leeue hym, til Y brynge him in to the hous of my modir, and in to the closet of my modir.
5Ye douytris of Jerusalem, Y charge you greetli, bi the capretis, and hertis of feeldis, that ye reise not, nether make to awake the dereworthe spousesse, til sche wole.
6Who is this womman, that stieth bi the deseert, as a yerde of smoke of swete smellynge spices, of mirre, and of encence, and of al poudur of an oynement makere?
7Lo! sixti stronge men of the strongeste men of Israel cumpassen the bed of Salomon; and alle thei holden swerdis,
8and ben moost witti to batels; the swerd of ech man is on his hipe, for the drede of nyytis.
9Kyng Salomon made to hym a seete, of the trees of Liban;
10he made the pilers therof of siluer; he made a goldun restyng place, a stiyng of purpur; and he arayede the myddil thingis with charite, for the douytris of Jerusalem.
11Ye douytris of Sion, go out, and se kyng Salomon in the diademe, bi which his modir crownede hym, in the dai of his spousyng, and in the dai of the gladnesse of his herte.
Also read this chapter in: KJV, WEB, ASV, GNV, WBT, DBY, YLT