Psalms 4 WYC
Summary: An evening companion to Psalm 3's morning prayer, Psalm 4 addresses both God and the psalmist's adversaries, urging them to "be angry, and do not sin; ponder in your own hearts on your beds, and be silent" (v. 4). Amid others chasing after fleeting goods, the psalmist asks for God's face to shine on him and reports a gladness greater than that of grain and wine at harvest. It closes with one of the Psalter's most quoted lines of trust: "in peace I will both lie down and sleep; for you alone, O LORD, make me dwell in safety" (v. 8).
1The title of the fourthe salm. `To the victorie in orguns; the salm of Dauid.
2Whanne Y inwardli clepid, God of my riytwisnesse herde me; in tribulacioun thou hast alargid to me.
3Haue thou mercy on me; and here thou my preier. Sones of men, hou long ben ye of heuy herte? whi louen ye vanite, and seken a leesyng?
4And wite ye, that the Lord hath maad merueilous his hooli man; the Lord schal here me, whanne Y schal crye to hym.
5Be ye wrothe, and nyle ye do synne; `and for tho thingis whiche ye seien in youre hertis and in youre beddis, be ye compunct.
6Sacrifie ye `the sacrifice of riytfulnesse, and hope ye in the Lord; many seien, Who schewide goodis to vs?
7Lord, the liyt of thi cheer is markid on vs; thou hast youe gladnesse in myn herte.
8Thei ben multiplied of the fruit of whete, and of wyn; and of her oile.
9In pees in the same thing; Y schal slepe, and take reste.
10For thou, Lord; hast set me syngulerli in hope.
Also read this chapter in: KJV, WEB, ASV, GNV, WBT, DBY, YLT