Psalms 5 WYC
Summary: A morning prayer for protection, Psalm 5 contrasts the psalmist's plea to be heard "in the morning" (v. 3) with a description of God's hatred of evildoers, boasters, and "bloodthirsty and deceitful" men (v. 6). The speaker asks to be led in righteousness because of his enemies, using the image of an open grave for their flattering throats (v. 9). It ends by turning from lament to confidence that those who take refuge in God will rejoice, since God blesses the righteous and covers them "as with a shield" (v. 12).
1The title of the fyuethe salm. To the ouercomere on the eritagis, the song of Dauid.
2Lord, perseyue thou my wordis with eeris; vndurstonde thou my cry.
3Mi kyng, and my God; yyue thou tent to the vois of my preier.
4For, Lord, Y schal preie to thee; here thou eerly my vois.
5Eerli Y schal stonde nyy thee, and Y schal se; for thou art God not willynge wickidnesse.
6Nethir an yuel willid man schal dwelle bisidis thee; nethir vniust men schulen dwelle bifor thin iyen.
7Thou hatist alle that worchen wickidnesse; thou schalt leese alle that speken leesyng. The Lord schal holde abhomynable a manquellere, and gileful man.
8But, Lord, in the multitude of thi merci Y schal entre in to thin hows; Y schal worschipe to thin hooli temple in thi drede.
9Lord, lede thou forth me in thi riytfulnesse for myn enemyes; dresse thou my weie in thi siyt.
10For whi treuthe is not in her mouth; her herte is veyn.
11Her throte is an opyn sepulcre, thei diden gilefuli with her tungis; God, deme thou hem. Falle thei doun fro her thouytis, vp the multitude of her wickidnessis caste thou hem doun; for, Lord, thei han terrid thee to ire. And alle that hopen in thee, be glad; thei schulen make fulli ioye with outen ende, and thou schalt dwelle in hem.
12And alle that louen thi name schulen haue glorie in thee;
13for thou schalt blesse a iust man. Lord, thou hast corouned vs, as with the scheeld of thi good wille.
Also read this chapter in: KJV, WEB, ASV, GNV, WBT, DBY, YLT