Psalms 6 WYC
Summary: The first of the traditional seven penitential psalms, Psalm 6 is a raw plea from someone whose body and soul are wasting away, whether from illness, guilt, or both: "my bones are troubled... my soul also is greatly troubled" (v. 2-3). The psalmist bargains with mortality itself, asking who will praise God from the grave, and floods his bed with tears nightly (v. 6). It pivots sharply at the end from despair to assurance, as the psalmist declares "the LORD has heard my weeping" and commands his enemies to be ashamed and turn back (v. 8-10).
1The title of the sixte salm. To the ouercomere in salmes, the salm of Dauid, `on the eiythe.
2Lord, repreue thou not me in thi stronge veniaunce; nether chastice thou me in thin ire.
3Lord, haue thou merci on me, for Y am sijk; Lord, make thou me hool, for alle my boonys ben troblid.
4And my soule is troblid greetli; but thou, Lord, hou long?
5Lord, be thou conuertid, and delyuere my soule; make thou me saaf, for thi merci.
6For noon is in deeth, which is myndful of thee; but in helle who schal knouleche to thee?
7I traueilide in my weilyng, Y schal waische my bed bi ech nyyt; Y schal moiste, `ether make weet, my bedstre with my teeris.
8Myn iye is disturblid of woodnesse; Y waxe eld among alle myn enemyes.
9Alle ye that worchen wickidnesse, departe fro me; for the Lord hath herd the vois of my wepyng.
10The Lord hath herd my bisechyng; the Lord hath resseyued my preier.
11Alle my enemyes be aschamed, and be disturblid greetli; be thei turned togidere, and be thei aschamed ful swiftli.
Also read this chapter in: KJV, WEB, ASV, GNV, WBT, DBY, YLT